جهاز مدينه القاهره الجديده عنده استلامات لشمال الرحاب من فتره سابقه ايام استح… ج_

جهاز مدينه القاهره الجديده عنده استلامات لشمال الرحاب من فتره سابقه ايام استحقاق 30.82 ج
وفي كلام يتردد والله اعلم من مصداقيه الكلام والعهده على الراوي ان في اشخاص استلامها كان من اسبوعين فاتوا يعني على استحقاق 30.82 ج واستلموا في شمال الرحاب امس على 50 ج استحقاق على اعتبار ان الموظف مقتنع ان في شهر استلام للقطعه طيب كد تمام والعهده ع الراوي

طب تعالى لجهاز دمياط الجديده سواء في استلامات المركزيه ج القطع اللي تلبس اصحابها في فرق سعر 8 مليون جنيه للقطعه محسوبلهم سعر استحقاق 30.82 ج

طب تعالى لشمال الجامعه اللي تلبس اصحابها في 5 مليون جنيه فرق سعر من سعر الاستحقاق

طب ماهو حضرتك كاتب ان في شهر استلام وحضرتك كاتب ان في موعد استلام للمتخلفين
دايما جهاز دمياط الجديده هو الجهاز المثالي لكل اجهزة المدن الجديده وهو اللي قلب التربيزه على اجهزه مدن القاهره واكتوبر لما كانوا طول السنين اللي فاتت بيحسبوا القسط على تاريخ السداد وليس تاريخ الاستحقاق هوب جهاز دمياط فجر القنبله وقامت مقفوله ع الكل

نيجي بقى للنقطه المضحكه والفكاهيه واللولبيه والملوخيه ياجهاز دمياط الجديده الموقر

منطقه شمال جامعه دمياط والمنطقه المركزيه ج في تخصيص بيت الوطن ها تخصيص بيت الوطن المرحله 8 واخد بالك الناس اللي مخصصه بيت وطن بسعر اغلى من تخصيص التربيزه قصدي التخصيص المباشر انت متخيل ان سعر مترهم اغلى من سعر تخصيص التربيزه قصدي التخصيص المباشر مع انهم في نفس المنطقه ياجدع بس ازاي اصله تخصيص ترابيزه

المشكله مش ف كد بقى خد التقيله والتخصيصين في نفس المنطقه يعني قطعه في ضهر قطعه

تخصيص بيت الوطن نزل استلام من ٢٠ يوم تقريبا او ١٥ يوم لكن تخصيص التربيزه ( المباشر )
من سنتين فاتوا وفي قطع كمان اتبنت 5 ادوار عادي كمختلط وبالفعل اكتر من قطعه مبنيه ربنا يبارك لاصحابها

خش بقى على بيت الوطن جهاز دمياط الجديده المبجل عاوز يكتب في بيان الصلاحيه ان الارتفاع للقطعه ١١ متر ? ازاي ياجدع هبني 5 ادوار في ١١ م قالك لا ماهما ٣ ادوار ارضي وميزانين ووحده سكنيه ??? a7a يعني القطعه بمليون دولار علشان تديني ٣ ادوار ?
طب القطعه اللي ف ضهري مبنيه 5 ادوار في ضهري مبنيه ياعم والله في ضهري مبنيه 5 ادوار ابقى انا ٣ انت بتقول اي ياعم ? قالك حل بقى مشكلتك مع القوات المسلحه في الارتفاعات
طب واللي رخصوا وبنوا 5 دول ظروفهم اي !!!!!!!!!
العجب العجاب في جهاز دمياط طول عمره لو مفكسش ميبقاش جهاز دمياط

المطلوب من صاحب كل قطعه في مختلط دمياط سواء مركزيه ج او جامعه بعد مايشوف محضر الاستلام ويشوف هما هيسلموه على انهي سعر استحقاق ،، يطلع فورا على خدمه المواطنين يقدم بيان صلاحيه ويشوف بقى هيتكتب ايه او هيدخل رخصته ازاي

وموجود جروب واتس آب لمشاكل مختلط دمياط ( جامعه ومركزيه )

.