اضافة مادة جديدة لقانون الطوارئ
من يبني بدون ترخيص او مخالفة الترخيص سيحول
الي محكمة امن الدولة
وهذا خاص بالمدن القديمة و المراكز و القري
و دي حاجة كويسة جدا هيسخن الاسعار في المدن الجديدة
حيث معظم المحافظات اصبح بها مدن جديدة
ياريت نرجع بالتاريخ للوراء
الدكتور محمد ابراهيم سليمان
قفل تراخيص الدقي و العجوزة و المهندسين
راحت اكتوبر وزايد سخنت حركة المباني و البيع و الشراء …. قفل تراخيص مدينة نصر و مصر الجديده راحت مدن القاهرة الجديدة و الشروق و العبور سخنوا
وتطبيق القانون بحزم وحسم سيكون البداية الجادة للقضاء علي العشوائيات والانطلاق المدن الجديدة نحو التنمية و الطلب سوف يرتفع و سوف تتغير وجهه المدن الجديدة
بس هذا مده الطوارئ فقط
يعني حضرتك سعيد لسخونة الأسعار.المهم عندك تكسب والناس تدفع مش مشكلة عادي يا أستاذ لازم تعرف إن فيه ناس بتتعب وتشقي علشان تعمل بيت ليها ولأولادها وكل ما السعر يعلي مش بيعرفوا يشتروا….
ياريت نغير نظرتنا وطريقة تفكيرنا
الوضع غير الوضع خالص ايام سليمان , حاليا السوق اصلا كان متوقف حتى في المدن القائمة و ده من قبل الكرونة , حركة البناء مثلا في محافظة الجيزة اللي انا منها كانت اغلبها محدودة على البيوت الخاصة بمساحات كلها تقريبا اقل من 200 متر , و لما تراخيص البناء تقف مش هيحصل حاجة غير مشاكل اجتماعية و بطالة زيادة و جريمة زيادة لانه ببساطة الناس دي قدراتها المالية ماتسمحش باقل شقة حاليا في المدن الجديدة و شكرا , و بالنسبة للاخ اللي فرحان ” ربنا يجازي كل واحد بما يتمنى لغيره “