زي ما وعدناكم ومكملين معاكم عمليات التنفيذ النهاردة من التجمع الخامس تحديداً من حي النرجس الجديدة مشروع C 33
النهارده هنتكلم عن أهم النقاط اللي ممكن ناخد بالنا منها أثناء إستلام بند الخرسانة العادية
الحمد لله في المرحلة الأولي إنتهينا من أعمال الحفر والإحلال ووصلنا للمنسوب المحدد لأعمال اللبشة
والنهاردة مكملين معاكم المرحلة التانية وهي صب الخرسانة العادية للبشه على كامل مسطح قطعة الأرض ، سمك 40سم طبقاً لتوصيات إستشاري التربه ومن خلال أفضل شركات الخرسانة الجاهزه المعتمدة بالقاهرة الجديدة إجهاد 180كيلو ومحتوي 250كيلو
هنشوف ازاى عملنا حساب فراغات هبوط غرفة الأسانسير وغرفة الرفع
وبنأكد علي إختبارات الخرسانة من خلال تكسير المكعبات
في الفيديو هنقول ليه بنعمل الخرسانة العادية وليه مش بنبدأ بالصب للمسلحه مباشرةً..
1- إستواء السطح وتسهيل تثبيت الجوانب الخشبية فوقها
2- ضمان النضافة تحت حديد التسليح تمهيداً للمراحل التالية
3- تشكيل سطح صلب عازل للمياه تحت الخرسانة المسلحة
4- تعويض الجيوب الرمليه بملئها داخل الحفر
5- ضمان وجود مساحة صلبة تحت القواعد المسلحة وده بيهىء نقل الأحمال عليها بأمان
كمان هنتكلم عن أهم النقاط اللي ناخد بالنا منها في بند إستلام صب الخرسانة العادية
1- التأكد من نضافة سطح التربه
2- التأكد من تمام دمك السطح جيداً ونهائي
3- مراجعة واستلام ضهر الدكة العادية النهائي
4- الرش بالمياه قبل صب الخرسانة
5- تغطية السطح بالكامل بالمشمع للحفاظ علي المحتوي المائي اللي بدوره بيحافظ علي إجهاد الخرسانة المطلوب
6- اثناء عملية الصب يتم تهبيط الجزء المخصص لغرفة المصعد وغرفة التفتيش ودا بيتحدد طبقاً للتصميم
في النهاية نتمني نكون قدرنا نقدم معلومة مفيدة
وان شاء الله نبدأ في أعمال النجارة والحدادة للقواعد المسلحة للمبني والأسوار
تابعونا في مراحل التنفيذ اللي هنقدر نتابعها معاكم خطوة ب خطوة الفترة القادمة
————————————–
تابعونا على الصفحة العامة على الفيس بوك للاستفسارات والاسئلة:
وتابعوا سابقه اعمالنا على أرض الواقع:
وتابعوا اخرعروضنا وخصوماتنا على :
تابعوا صفحة شركتنا على الفيس بوك “شركه ابداع للتطويرالعقاري”:
تابعوا الموقع الالكترونى لشركتنا:
#القاهرة_الجديدة
#النرجس_الجديدة
#ابداع_خدمات_هندسية_متكاملة
#بنسابق_الزمن
#انجازنا_دليل_نجاحنا
#مستشارك_العقارى
#مروان_فارس
source
#مروان
اضف تعليق